Bush se shpejti do ta percaktoj Pavarsin e Kosoves...!!!

Presidenti Xhorxh Bush së shpejti do të caktojë një datë për pavarësinë e Kosovës. Agjencia Reuters shkruan se, gjatë takimit Bush - Putin që do të mbahet me 1 dhe 2 korrik, do të vendoset për një datë të shpalljes së pavarësisë. Në të kundërtën, thuhet se Bush do ta caktojë vet datën e pavarësisë së Kosovës.
Të gjitha këto do të bëhen nëse në Këshillin e Sigurimit të Kombeve të Bashkuara nuk do të ketë marrëveshje me Rusinë, njoftojnë agjencitë e lajmeve. Sipas analistit Dagllas Hamilton presidenti amerikan do të marrë një vendim për Kosovën, në rast se nuk arrihet asnjë marrëveshje me Rusinë, e cila kundërshton pavarësinë. Bush dhe homologu i tij Putin do të takohen më 1-2 korrik dhe të dy zyrtarët mund të arrijnë një kompromis. Nëse jo, sipas analizës së Rojterit, Bush e ka bërë të qartë se do të deklarojë: “Mjaft më. Kosova është e pavarur”. Por analisti Hamilton thotë se një gjë e tillë do te krijojë probleme me BE-në, pasi ata kanë nevojë për një mandat ligjor që të realizojnë misionin e tyre në Kosovë. Mbi të gjitha BE dëshiron të flasë me një zë për këtë çështje. Analisti britanik thotë se edhe njëherë strategjia perëndimore në Ballkan vihet në dilemë, pasi nga njëra anë SHBA bën thirrje të qartë për pavarësinë e Kosovës, ndërsa blloku me 27 anetarë shqetësohet për teknikat ligjore dhe përçarjet e brendshme.

Ndërkohë, sipas njoftimeve të agjencive, Sekretari i Përgjithëm i Kombeve të Bashkuara, Ban Ki Mon, pas një takimi me një zyrtar slloven, ka deklaruar sot se pret ndërrime sa i përket çështjes së Kosovës, pas takimit midis presidentit amerikan Bush, dhe atij rus, gjatë muajit korrik.